မန္တလေး၊ မေ- ၂၁- ၂၀၂၄
SA(VOM)
မန္တလေးတိုင်း၊ အမရပူရမြို့နယ်၊ ရွှေကြက်ယက်တိုက်နယ်၊ ရွှေကြက်ယက်ဘုရားမှာ ဒီကနေ့ ကဆုန်လဆန်း ၁၄ ရက်နေ့ နေ့လယ်ပိုင်းကစတင်ပြီး ကဆုန် ညောင်ရေသွန်းပွဲတော် ကျင်းပပြုလုပ်ခဲ့တာဖြစ်ပါတယ်။
ရွှေကြက်ယက်ကျေးရွာ ညောင်ရေသွန်းပွဲတော်ကို နှစ်စဥ် ကဆုန်လဆန်း ၁၄ ရက်နေ့မှာ သွန်းလောင်းကြတာဖြစ်ပါတယ်။ ကောစကန်ကျေးရွာအုပ်စု ၁၅ ရပ်ကွက်ကနေ မဲနှိုက်ပြီး အစီအတိုင်းလှည့်လည်ကြတာဖြစ်ပါတယ်။
ဒီနှစ်မှာ နံပါတ် ၁ ကျတဲ့ ရွှေလေးရပ်ကွက်နဲ့ နံပါတ် ၂ ကျတဲ့ ပတ္တမြားရပ်ကွက် အသီးသီးတို့က ဝင်း ခင်းပြီးတော့ လှည့်လည်မှာဖြစ်တယ်လို့ သိရပါတယ်။
အဲ့ဒီနောက်မှာ ( ၃- ကွက်သစ် ၂ ကျေးရွာ)၊ ( ၄- သက္ကယ်တော်ကျေးရွာ)၊ (၅ – စိန်တုန်းကျေးရွာ)၊ ( ၆ – ရွာသစ်ကျေးရွာ)၊ ( ၇ – ရွှေဟင်္သါကျေးရွာ)၊ ( ၈ – မိုးကောင်းကျေးရွာ)၊ ( ၉ – ရွှေဒင်ကျေးရွာ)၊ ( ၁၀ – ကိုးသင်းကျေး ရွာ)၊ ( ၁၁ – ခဝါကျေးရွာ)၊ (၁၂- သပြေတန်းကျေးရွာ)၊ (၁၃- ကွက်သစ် ၁ ကျေးရွာ)၊ ( ၁၄- ရွှေလောင်းကျေး ရွာ)၊ (၁၅- အောင်ချမ်းသာကျေးရွာ) အသီးသီးတို့ကလည်း အမျိုးသား/ အမျိုးသမီးတွေစုပေါင်းကာ တူညီဝတ်စုံတွေနဲ့ စီတန်းလှည့်လည်တာဖြစ်တယ်လို့ သိရပါတယ်။
